తెలుగు ఇండియన్ ఐడల్ సీజన్ 2 లో 14 ఏళ్ళ అయ్యన్ ప్రణతి తన పెర్ఫార్మెన్స్ తో అదరగొడుతోంది. ఈ చిన్నారికి రోజురోజుకు ఫ్యాన్ ఫాలోయింగ్ పెరిగిపోతోంది. అలాంటి ప్రణతి ఈ వారం చిత్ర గారి పాట" నిన్ను కోరి వర్ణం" పాడింది. కానీ ఆ సాంగ్ లో చేసిన చిన్న చిన్న మిస్టేక్స్ ని జడ్జెస్ అంతా చెప్పారు. ఏజ్ తక్కువే కాబట్టి బాగా ప్రాక్టీస్ చేయాలనీ...ఇంకా చక్కగా నేర్చుకోవాలని టిప్స్ ఇచ్చారు. అయ్యన్ ప్రణతి టాలెంట్ ఎలాంటిది అంటే గత ఎపిసోడ్స్ లో సర్ మూవీ నుంచి "మాస్టారు..మాస్టారు" సాంగ్ పాడి అందరినీ ఫిదా చేయడమే కాదు ఫేమస్ మ్యూజిక్ డైరెక్టర్ జివి ప్రకాష్ ని కూడా పడేసింది. ఆయన ఆ చిన్నారికి బ్లెస్సింగ్స్ కూడా ఇచ్చేసారు. ఇక ఇప్పుడు చిరంజీవి వంతు వచ్చింది.

ఆయన అయ్యన్ ప్రణతిని తన ఇంటికి ఆహ్వానించారు. చిరంజీవి, సురేఖ  దగ్గర కూర్చోబెట్టుకుని  ప్రణతి చేత అన్నమాచార్య కీర్తనలు పాడి వినిపించుకున్నారు. తన వైఫ్ కి అన్నమాచార్య కీర్తనలు అంటే ఎంతో ఇష్టం అని కూడా చిరంజీవి చెప్పారు. తరవాత ప్రణతితో కలిసి అందరూ ఫొటోస్ కూడా దిగారు. "నా ఫీలింగ్ మాములుగా లేదు. నన్ను తన గ్రాండ్ డాటర్ లా చూసుకున్నారు. అంతా లెజెండరీ పర్సన్ ముందు ఎలా నడుచుకోవాలో నాకు అర్ధం కాలేదు. కానీ ఆయన చాలా హంబుల్ పర్సన్. నేను అక్కడి నుంచి ఇంటికి తిరిగి వస్తున్నప్పుడు కూడా నేను ఆ షాక్ లోనే ఉన్నాను. నిజంగానే ఆయన్ని కలిసానా అని..ఇదంతా తెలుగు ఇండియన్ ఐడల్ వల్లనే" అని ప్రణతి తన ఆనందాన్ని వ్యక్తం చేసింది. "నువ్వు సురేఖ మేడం ఫ్యాన్ వి. అంటే చిరంజీవి గారి ఇంట్లో తెలుగు ఇండియన్ ఐడల్ సీజన్ 2  మోగుతోంది. సూపర్బ్ ..నాకు చాలా హ్యాపీగా ఉంది" అన్నాడు హేమచంద్ర.